tirsdag 9. september 2014

Spennande utstilling


Søndag 14.september vert det ei litt
spesiell utstilling i Postkjellaren. Då skal kulturminnedagane markerast
og det gjer vi med ei heilt eiga utstilling. Tema for dagane er "Ei reise i tid - 200års 
samfunnsutvikling". Post-og telegrafutstillinga er midt i blinken til det temaet og i tillegg har vi
laga ei utstilling med gamle og nyare symaskiner og ein del eldre handarbeid og kle.
 Så vil eg også vise korleis ein kan gjenbruke gamalt handarbeid
av ulike slag.

 Desse to putene er eit godt døme på gjenbruk.
Kofte-puta er laga av svigerfars tildels svært slitte kofte.
Delar av ermane som var heile vart nytta til små sitteunderlag som passar akkurat under rumpa.
Fint å putte i lomma når du berre skal ein liten tur men likevel treng ei kvild 
på ein kald stein eller stubbe.

Den andre puta er laga av ein veldig tova ullgenser visstnok frå ol.-82.
Av eine ermet vart det sitteunderlag - det andre vart ein pose til å putte termosen eller drikkeflaska i.
Rask og enkel gjenbruk som dei fleste kan få til.



 Her er nokre av symaskinene og dei gamle tekstilane.




 Mykje flott gamalt handarbeid!




Nostalgi!




 Her er fleire av produkta eg har laga for anledninga
der eg har gjenbrukt handarbeid av ulike slag. Den store puta midt på benken og den på snora
over er gamle og stammar frå barndomsheimen min.



 Vesker som garantert ingen har maken til!
På den til venstre brukte eg eit nydeleg strameibilde som utgangspunkt.
På den til høgre har eg brukt delar av ein klokkestreng som aldri vart ferdig montert.
Lomma på utsida er laga av ein hekla prøvelapp frå svigermors gjemmer. 

Somme vil vel kanskje sei det er galskap å klippe i stykker eit fint handabeid, men eg ser det på ein litt anna måte. Kven heng ein klokkestreng på veggen no til dags? Ikkje eg iallefall....
På denne måten vert den til fleire nye og spennande produkt som 
kjem til å bli brukte.



Mange fine detaljar å kvile augene på.

Håper mange finn vegen til Bjørke komande søndag!
Vermeldingane er strålande så det teiknar godt:)

Velkomen til ei nostalgisk oppleving i Postkjellaren!

Ope frå 13.00 - 17.00.


1 kommentar:

  1. Hei på deg

    Jeg har ei likedan neste Gover og Bakker symaskin som jeg har arvet fra min bestemor <3 Litt rose maling på min

    Klem Bente

    SvarSlett

Kommentarar gjer meg kjempeglad!

På grunn av veldig mykje spam måtte eg desverre stenge av for anonyme kommentarar. Vil du meg noko kan du berre sende meg ein mail på postkjellaren@hotmail.no